Oiartzungo KZgunea berriro ireki dute, hilabete askoren ondoren
COVID19ari moldatzeko egokitzapenak egin ditu udalak lokalean. Oraingoz, Interneten nabigatu eta tramiteak egiteko bakarrik erabiliko da.
Bulegoa egokituta dago. Oiartzungo KZgunea berriro ireki dute, hainbat hilabetez itxita egon ondoren. Pandemiak behartu zuen Madalensoroko lokala itxi eta eskaintzen dituen zerbitzuak etetera.
Itxura berriarekin ireki dute berriro. Udalak COVID-19ra moldatzeko egokitzapenak egin ditu lokalean. Manparak jarri dituzte, espazioak mugatu, garbitasunerako materiala jarri eta beste.
KZguneak doako Internet zerbitzua eskaintzen die oiartzuarrei. Momentuz, sarean nabigatzea eta tramiteak egitera mugatuta egongo da nabigazioa. Alde aurretik txanda hartu beharko da horretarako, osasun neurriak betetze aldera.
Horretarako, telefono —943 02 36 70 zenbakira deituta— edo e-posta bidez jar daiteke harremanetan.
Oiartzungo KZguneak eskaintzen duen beste zerbitzuetako ikastaroak dira. Presentzialak, oraingoz, bertan behera egoten jarraituko dute. Aurrerago eskainiko dituztela jakinarazi dute.
