Udalak zortzi langile kontratatu ditu, Enplegu Planaren bitartez
Hiru eta bost hilabete bitarteko kontratuak izango dituzte langile horiek. Horrez gain, Arraztalo elkarteak beste lau pertsona kontratatu ditu.
Zortzi langile ari dira udalean lanean.
Oiartzungo Udalak zortzi langile kontratatu ditu martxan jarritako enplegu planaren bitartez, prentsa ohar bidez jakinarazi duenez. Hiru eta bost hilabete artean arituko dira udalarentzako lanean. Honako lanpostuetarako egin dituzte kontratazioak: hiru peoi; peoien arduradun bat; informatikari bat; delineatzaile bat; zuzenbidean lizentziatu bat eta dokumentalista bat.
Enplegu Plana lanik gabe dauden langileei bideratuta dago. Lanbideren laguntzekin martxan jarritako egitasmoa da. Helburu nagusiak eskualdean enplegua sustatzea, langabetuen lan-merkaturatzean laguntzea eta lan-merkatura sartzeko zailtasunak dituztenei laguntzea dira.
Udalak egindako zortzi kontratazioez gain, Enplegu Plan horren bitartez beste lau lagun kontratatu ditu Arraztalo elkarteak. Lan merkatuan sartzeko zailtasun handiagoak dituzten langileak dira kasu horretan.
