Oiartzabaldarrek elurretako bidea egiten jarraituko dute asteburuan
Pandemiak baldintzatuta egon arren, Maialenek Frantziako Les Arcseko big air txapelketan parte hartuko du astelehenean. Paulek Andorran entrenatuko du.
2021eko erronkei aurre egiteko prest dira. Oiarmendi taldea osatzen duten Maialen eta Paul Oiartzabal Mendibil anai-arrebek bere bidea egiten jarraituko dute asteburuan. Pandemiak oztopoak jarri arren, bat Alpeetara eta bestea Pirinioetara joango da.
Senide zaharrena —Maialen— Alpeetako Les Arcs eski estazioan arituko da. Zehazki, Europako Kopako big air txapelketan arituko da.
Gazteena, berriz, Andorran arituko da. Bere kasuan, entrenamenduak egitera joango da, 360 eXtrem izeneko instalazioetara.
