Oiartzun KEko mutilak berriro kantxara bueltatuko dira
Karla Lekuona futbol zelaian jokatuko dute bihar arratsaldean. Twitch bidez emitituko dute norgehiagoka. Nesken bigarren taldearen txanda, etzi.
Gizonezkoen Ohorezko Erregional Mailako taldea bihar bueltatuko da kantxara. Urriaren 17tik daramate lehiatu gabe. Andoainen jokatu zuten orduan, eta 0-1 menderatu zuten Euskalduna. Denboraldi honetan jokatu duten partida bakarra izan da.
Bihar arratsaldean Karla Lekuonako soropilera salto egingo dute, Zarautzen bisita jasotzeko. Oiartzuarren eta urolakostarren arteko partida 15:30ean hasiko da. Klubak zuzenean emango du partida, ikusleak ezin daitezkeelako joan. Klubak jakinarazi duenez, Twitch kontuaren bidez eskainiko dute.
Bestalde, nesken bigarren taldeak etzi jokatuko du, Anaitasunaren kontra, etxean. 16:00etan hasiko da azkoitiarren aurkakoa. Emakumeen talde nagusiak jai izango du.
