Ipuin kontaketak egongo dira datorren astean, ikasleentzako
Manuel Lekuona bibliotekak antolatuta, Lur Kortak ipuinak kontatuko dizkiete Elizaldeko eta Haurtzaroko ikasleei. Beren ikastetxeetan izango da.
Manuel Lekuona bibliotekak ipuin kontaketa saioak antolatu ditu, haurren artean irakurzaletasuna sustatzeko asmoarekin. Lur Korta izango da ipuin kontalaria.
COVID-19ak eragindako egoera dela eta, saioak liburutegian izan beharrean, Elizalde Herri Eskolan eta Haurtzaro Ikastolan izango dira, burbuilak mantentzeko.
Ikastetxe bakoitzean bost ipuin kontaketa saioa egingo ditu Kortak martxoaren 1etik 12ra. HH 4. eta 5., eta LH 1 eta 2. mailako ikasleei kontatuko dizkie ipuinak.
