Bi urre eta zilarrezko bat San Juanentzat Euskadiko Batel Txapelketan
Lehen postuak nesken haur eta kadete mailetako ontziek lortu dituzte, eta emakume seniorrentzat izan da zilarrezko domina.
San Juango Haur Mailako nesken ontzikoak, garaile banderarekin. Argazkia: San Juan-Koxtape Arraun Elkartea. Bateletan daramaten sasoi handia berretsi dute San Juan-Koxtapeko batelek asteburuan. Euskadiko Txapelketa izan dute jokoan Legution (Araba): haur zein kadete neskek urrezkoa irabazi dute, eta Absolutu Mailako emakumeak bigarren izan ziren Deusturen atzetik.
Bestelakoan, txapelketarako dominen bila izan ziren Gazte Mailako mutilak, baina laugarren sailkatu ziren podiumetik at geratuz. Arrosen beste emaitzak: Gazte Neskak kontsolazio txandan bigarren izan ziren (seigarren, beraz, txapelketan), eta kadete mutilak kontsolazio txandan ere laugarren (zortzigarren sailkapen nagusian)-
Haur Mailan, mutiletan, San Pedro garaile izan zen kontsolazio txandan, beraz, Euskadiko Batel Txapelketako bosgarren postua eurentzat izan zen.
San Pedroko Haur Mailako mutilen taldea. Argazkia: Sanpedrotarra Arraun Elkartea.
Txapelketako emaitza guztien berri izateko, joan hona: Euskadiko Batel Txapelketa, emaitzak.
