'kantagiLtza' solasaldi musikatu zikloa bueltatuko da, luxuzko izenekin

Maiatzean, ekainean eta irailean gonbidatu bana ekarriko dute Arizmendieneko lorategira: Gorka Urbizu, Olatz Salvador eta Niko Etxart, hurrenez hurren.

kantagiltza 2021

Gorka Urbizu izango da zikloko lehenengo gonbidatua [Arg.: Gaizka Peñafiel].

Lagun arteko garaia / Bizardia elkarteak pasa den urtean antolatu zuen, estreinako aldiz, kantagiLtza solasaldi musikatuen zikloa.

Ziklo horren helburua musikariak gertutik ezagutzea da, baita ezagutaraztea ere. Horrela, “giro goxoa” sortu nahi dute 2021 honetan ere. Igande arratsaldeetan izango dira saioak.

Luxuzko kartela osatu dute aurten ere bai. Lehenengo saiorako Gorka Urbizu gonbidatuko dute, bigarrenerako Olatz Salvador eta hirugarrenerako, Niko Etxart. Saio guztiak Gotzon Barandiaranek gidatuko ditu.

Solasaldi musikatuak Arizmendieneko lorategian izango dira, eguraldi ona eginez gero. Bestela, Done Eztebe parrokiara eramango dituzte saioak. Sarrerak non lortu behar diren aurrerago jakinaraziko dutela esan dute antolatzaileek.

Egitaraua

  • Maiatzak 23: Gorka Urbizu. Saio bikoitza izango da, 17:30ean eta 19:30ean.
  • Ekainak 20: Olatz Salvador. 18:00etan.
  • Irailak 19: Niko Etxart. 18:00etan.

 

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.