Webinarra antolatu dute, Esteban Muruetagoienaren auzia argitze aldera
Oiartzungo medikua zenaren alaba Tamarak, Clara Ponsati eta Pernando Barrena europarlamentariek, Jonathan Martinez kazetariak eta Paco Etxeberriak hartuko dute parte.
Esteban Muruetagoiena, alaba Tamara besoetan duela. Europako Parlamentuko Ezkerra taldeak —EH Bildu barruan dago— eta Ez Atxikietako Juntsek webinarra antolatu dute etzi arratsalderako —hilak 16, asteazkena—. Esteban Muruetagoienaren heriotza argitzen laguntzea da webinarraren asmoa.
Esteban Muruetagoiena Oiartzungo medikua zen 1982an. Komisarian hamar egunez inkomunikatuta eduki zuten, eta askatu ondoren hil zen, tortura zantzu argiekin.
Horri buruz hitz egiteko elkartuko dira, telematikoki, Tamara Muretagoiena Estebanen alaba, Pernando Barrena EH Bilduko Europako parlamentaria eta Clara Ponsati Junts per Catalunyakoa —azken eta lehen hitzekin, hurrenez hurren—, Paco Etxeberria auzi-medikua eta Jonathan Martinez kazetaria (Naiz.eus-en landu du kasua).
Ordubete iraungo du mintegi telematikoak, 16:30etik 17:30era. Zuzenean jarraitu ahal izango da, Youtube bidez. Juntsen kanaletik ikus ahal izango da.
https://www.youtube.com/channel/UCYE32XVtqUmT86ydxoaafUw
