Oiartzungo kenpolariek paper bikaina jokatu dute Gipuzkoako txapelketan
Herriko kenpo elkarteak 40 urte bete ditu aurten, eta sasoiko dagoela erakutsi du beste behin. Emma Garmendiak bi txapel lortu ditu; Elena Pais, bigarren.
Elena Pais, Emma Garmendia eta Iñaki Alkiza, garaikurrekin.
Pasa den igandean, hilak 13, Gipuzkoako Karate eta Diziplina Elkartuetako Federazioaren kenpo sailak antolatutako Gipuzkoako Kenpo Txapelketa egin zuten Elorsoro kiroldegian.
Etxeko taldeak paper polita jokatu zuen. Emma Garmendiak Junior Mailan katetan (erakustaldia), kobudo (armekin erakustaldia) eta kumiten (borrokan) nagusi izan zen. Elena Pais, berriz, txapeldunordea izan zen kumiten, Garmendia taldekidearen kontra.
Ez dira azken egunetan lortutako emaitza on bakarrak izan. Ekaineko lehen asteburuan, berriz, Beran Bortzirietako kluben arteko txapelketa jokatu zuten. Iñaki Alkizak kadeteetan postu onak lortu zituen, Espainiako Estatu guztitik joandako ordezkarien aurrean.
Kobudon txapeldun izan zen, katan txapeldunordea eta kumiten hirugarren postua eskuratu zuen.
Ia 40 urte tatamian
Oiartzungo Kenpo Kai Honbu elkarteak ia 40 urte daramatza lanean. Klubeko arduradunek esan duteneez, azken sariak ikusita, “beste 40 urtez lanean jarraitzeko maila sobera” dauka.
Pandemiak jo duen arren, Kenpo Kai Honbuk eskolak ematen jarraitu du. Online edo Elorsoron izan dira saioak, betiere protokoloak errespetatuz, adierazi dutenez.
