Txorbela otxotea gonbidatu du Soinueneak, udako kontzerturako

Arrasateko otxoteak kontzertua emango du larunbat arratsaldean. Sarrerak salgai daude turismo bulegoan, bost euroko prezioan.

txanbela oiartzun

Txorbela abesbatza.

Soinuenea-Herri Musikaren Txokoak udako kontzertua antolatu du datorren larunbaterako (hilak 24). Oraingoan, Txorbela otxotea gonbidatu dute. Kontzertua elizan izango da, 19:00etan hasita, eta sarrerak Oiartzungo Turismo Bulegoan eros daitezke (Arizmendienean), bost euroren truke.

Arrasateko otxotea gonbidatzeko arrazoiaren berri eman dute antolatzaileek: Euskal Herriko hainbat txokotako musika mota ezberdinak Oiartzunera ekarri dituzten arren, sekula ez dutela gizonen ahotsek osatutako otxote bat ekarri.

Bi giroetako abestiak kantatuko dituztela jakinarazi dute: erlijiosoak eta profanoak.

Txorbela otxotea 2008ko udazkenean sortu zuten. Abesbatza askotan ibilitako kideak ditu Txorbelak: Donostiako Orfeioa, Goikobalu abesbatza, Conductus Ensmblen edo Capilla Peñafloridan. Beraien errepertorioa polifonian eta folklorean oinarrituta dago, batez ere Euskal Herrikoan.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.