Lehiara bueltan Batelerak eta Trintxerpe
San Juaneko neskek igandean egingo dute estropada eta Trintxerpek bihar eta etzi.
Batelerak itsasora bueltatuko dira asteburuan. Aurreko asteburuan Trintxerpek eta San Juaneko Batelerek ezin izan zituzten estropadak jokatu koronabirusagatik. KAE-1 Ligako San Pedrok eta San Juan izan ziren parte hartu zuten herriko traineru bakarrak.
ETE Ligan igandean, III. Errenteriako ikurrina irabazteko ariko dira lehian Pasaiako badian, 11:15ean. Aurreko asteburuan guztira, 5 traineru geratu ziren lurrean eta donibanetarren mesederako, ez zituzten sailkapeneko puntuak banatu. Beraz, sailkapena bere horretan geratu zen eta sanjuandarrak bosgarren daude.
Bi estropada izango ditu Trintxerpek asteburuan, bata bihar Bilbon, 11:00etan eta bestea igandean Santoñan 17:30ean. KAE-2 Ligan estropadek eta puntu banaketak aurrera jarraitu zuten pasa den asteburuan, nahiz eta Azkuene ontziak ezin izan zuen itsasoratu.
Deskantsatzeko asteburua izango da KAE-1 Ligako San Pedro eta San Juanentzat, ez baitago estropadarik.
