Langabeentzako doako lau ikastaro berri datorren ikasturtean
Prestakuntza ikastaro berriak aurkeztu ditu Oarsoaldeko garapen agentziak. Matrikulazioa doakoa da eta irekita dago izen emateko aukera.
Ikastaroei buruzko informazio guztia agentziaren orrialdean topa daiteke. Lau ikastaro berri aurkeztu ditu Oarsoaldeko garapen agentziak. Lan prestakuntzari zuzendutako formakuntzak dira “langabeen enplegagarritasuna eta prestakuntza hobetzeko” helburuarekin, agentziak azaldu duenez. Klaseak jasotzeaz gain, enpresetan praktikak egiteko aukera izango dute ikasleek. Ikastaroak honako hauek dira:
- Txirbil harroketa bidezko mekanizazioa: 540 ordu guztira eta 80 orduko praktikak.
- Tresneria industrialaren mantentze eta muntatze mekanikoa: 510 ordu guztira eta 80 orduko praktikak.
- Ingurumen kudeaketa: 420 ordu guztira eta 80 orduko praktikak
- Fabrikazio mekanikoko eragiketa osagarriak: 400 ordu guztira eta 40 orduko praktikak enpresan.
Aizpea Otaegi garapen agentziako presidenteak baieztatu du, kurtsoak amaitzean profesionaltasun ziurtagiri bat jasoko dutela parte hartzaileek, lanpostu horretan gaitasun profesionala dutela egiaztatu ahal izateko.
Ikastaro batzuk irailean hasiko dira, beste batzuk, aldiz, urrian, agentziaren orrialdean jakin daiteke zehazki. Matrikulazioa doakoa da eta Oarsoaldeko enplegu sailaren bulegoetan egin daiteke. Informazio gehiago jakiteko 943 510 200 telefonoa jarri dute eskura.
