IKTei buruzko 30 minutuko hitzaldiak eskainiko ditu KZguneak
Saioak telematikoki emango dituzte eta Youtube bidez zuzenean jarraitu ahal izango dira. Euskarazkoak asteartero izango dira irailean zehar.
KZguneak 30 minutuko zortzi hitzaldi telematiko (lau euskaraz eta beste lauak gazteleraz) eskainiko ditu irailean zehar, astero, IKTekin lotuta.
Mintzaldiak zuzenean jarraitu ahal izango dituzte interesdunek KZgunearen Youtube kontuaren bitartez, eta plataforma horretan bertan gordeta geldituko dira guztiak, gerora ere kontsultatu ahal izateko. Astearteetako saioak euskara hutsean eskainiko dituzte, eta ostegunetakoak, aldiz, gazteleraz.
Honakoa da datorren hilerako prestatu duten eskaintza:
- Ikastolaren hasiera. Ezagutu testuen ortografia berrikusteko aplikaziorik onenak.
- Irailak 7, 12:00etatik 12:30era euskaraz.
- Irailak 9, 12:00etatik 12:30era gazteleraz.
- Zer da kriptodirua eta zertarako erabiltzen da?
- Irailak 14, 19:00etatik 19:30era euskaraz.
- Irailak 16, 19:00etatik 19:30era gazteleraz.
- Eduki interaktiboa sortzeko doako 5 tresnarik onenak.
- Irailak 21, 12:00etatik 12:30era euskaraz.
- Irailak 24, 12:00etatik 12:30era gazteleraz.
- Kamerak munduan zehar. Ezagutu etxetik mugitu gabe beste leku batzuk.
- Irailak 28, 19:00etatik 19:30era euskaraz.
- Irailak 30, 19:00etatik 19:30era gazteleraz.
Hitzaldiei buruzko informazio gehiago hemen klik eginda irakur daiteke.
