Bihar Ilargi Arrizabalagaren eta Anne Etxegoienen kontzertuak
Kilometro Lezo egitarauarekin jarraituz, bihar bi kontzertu eskainiko dira Herri Eskolan: Ilargi Arrizabalaga eta Anne Etxegoien.
Goitik behera: Anne Etxegoien eta Ilargi Arrizabalaga. Bihar bi kontzertu eskainiko dira Lezoko Herri Eskolako patioan, Kilometro Lezo programaren barruan. Lehenik, Ilargi Arrizabalagak ‘Killasisa’ disko berria aurkeztuko du 20:00tatik aurrera eta ondoren 23:00tan hasita, Anne Etxegoien ariko da ‘Emaztea’ albumeko soinuak jotzen. Udalak bi abeslariak elkarrizketatu ditu.
Arrizabalaga lezoarra da eta lehen aldiz joko du etxean: “gogoa daukat herriko publikoaren harrera ikusteko”. Bere diskoari buruz esan du “ni definitzen nauela deritzot” eta diskoan “bi ildotako” abestiak topa daitezkeela azaldu du “kritikoak eta sentimentalak”. Elkarrizketa osoa, hemen irakurgai.
Asteburuko emanaldian kantatuko dituen abestietan Etxegoienek dio “parekidetasuna, berdintasuna, etxeko indarkeria eta indarkeria sexual eta matxistak” salatuko dituztela. Horretaz gain, “amatasunaren eta askatasunaren inguruan” ere hitz egingo duela aurreratu du donapaleutarrak. Esandakoak esteka honetan daude irakurgai.
Sarrera doakoa da eta esteka honen bitartez eskuratu daitezke.
