Heltaren tailerretan aurrematrikula egin daiteke, irailaren 1etik 10era
Helduen Tailerrek hogei ikastaro eskainiko dituzte aurten. Ikasturte osoa edo hiruhilabeteka izena emateko aukera egongo da aurten ere.
Pasa den ikasturteko lanak erakutsi zituzten ekainaren 25ean. Helduen Tailerrek (Heltak) jakinarazi duenez, etzitik —irailak 1— irailaren 10era bitartean aurrematrikula egiteko aukera egongo da. Urrian hasiko dira tailerrak.
Beraien webgunean edo lokaletik pasatuta eman daiteke izena. Bigarren modua aukeratuz gero, astelehenetik ostiralera pasatu beharko da Karaez 4ko lokaletik, 10:00etatik 12:00etara edota 17:00etatik 19:00etara.
Aurten hogei ikastaro eskainiko dituzte (behean ikus daiteke zerrenda), Karaez kaleko lokalean, Altzibarren eta Iturriotzen.
Horiez gain, zen meditazioa (hilean bi egunetan) eta meditazio dinamikoa ere eskainiko dituzte (ostiraletan 18:30etik 20:00etara). Biak Iturriotzen izango dira.
Ohartarazi dutenez, COVID-19aren arabera aldaketak egon daitezke: hasiera batean presentzialak izango dira, baina online bilakatu edo bertan behera gera daitezke, pandemiaren bilakaeraren arabera.
Prezioak
Ikasturte osoaren prezioa 80 eurokoa izango da oiartzuarrentzat, eta 110ekoa herrian erroldatuta ez daudenentzat. Hiruhileko bat egin naiz izanez gero, 40 eta 55 izango dira epe bakoitzeko.
Oiartzunen erroldatutakoek eta 55 urtetik gorakoek izango dute lehentasuna, Heltak jakinarazi duenez. Taldeek edukiera mugatua izango dute; gaindituz gero, zozketa egingo dute.
Honakoak izango dira eskainiko dituzten ikastaroak:
- Ariketa mentala.
- Bertsolaritza.
- Egur taila.
- Ehoziriak.
- Euskal dantza.
- Gimnasia.
- Gitarra.
- Joste lanak.
- Luzaketak.
- Margolaritza.
- Mindfulness.
- Patchwork.
- Pilates.
- Pilates terapeutikoa.
- Tai chi.
- Yoga.
- Zaharberritzea.
- Argazkilaritza.
- Dantza latinoamerikarrak.
- Masajea.
Informazio gehiago behar duenak e-posta bidez idatz dezake, edo Whatsappez bidez (618 09 11 76). Informazio gehiago biltzeko, Heltaren webgunea bisita daiteke.
