Elizaldeko bi kale moztuko dituzte bihar, asfaltatzeko
Santusene eta Elorrondo kaleetan lanak egiten ari dira, eta obrek bihar eragin zuzena egingo diote bi kaleei. Autoa garajetik ateratzeko eskatu dute.
Makutso kalea, gaur [Arg.: @oiartzunudala]. Udala Elizalde auzoko kale pare bat txukuntzeko obrak egiten ari da. Santusene eta Elorrondo kaleetan hainbat aldaketa egin dituzte egunotan, eta bihar —irailak 1— eta etzi asfaltatze lanen garaia izango da.
Behin-behineko trafiko mozketak egongo dira, galipota botatzeko. Obra guztiak ez direla egun bakarrean egingo, bitartean kaleetan trafikoa bideratu ahal izateko.
Bertan garajea duten ibilgailuen jabeei dei egin diete haiek lanen eremutik kanpo aparkatzeko.
Lanek aldaketak eragingo dituzte, halaber, Xorrola eta Donostiarako autobus lineatako geltokietan, zenbait geltoki kendu eta beste batzuk lekuz aldatuz. Moldaketak geltoki bakoitzean zehaztuko dira, kalearen mozketaren arabera moldatuko baitituzte.
Behin betiko aldaketak trafikoan
Errepidearen egoeraz gain, trafikoa moldatuko dute, behin betiko. Lanak bukatzerakoan Makutso bidea eta Elorrondo kalea noranzko bakarrekoak izango direla adierazi du Oiartzungo Udalak.
Norazkoak nola geratuko diren hemen klik eginda ikus daiteke.
