Iker Sarriegi eta beste auzipetuen aldeko elkarretaratzea, ostiralean
Presoei asistentzia ematen zieten zazpi euskal herritar epaitzen ari da Espainiako Auzitegi Nazionala, 13/13 sumariopean. Tartean da Iker Sarriegi.
Iker Sarriegi, deklaratzen, pasa den uztailean. Espainiako Auzitegi Nazionala zazpi euskal herritar ari da epaitzen, 13/13 auzipean. Tartean da Iker Sarriegi, Oiartzunen bizi dena.
Arantza Zulueta, Jon Enparantza, Julen Zelarain, Naia Zuriarrain, Saioa Agirre eta Nerea Redondo dira gainontzeko seiak. Zortzigarren bat —Juan Mari Jauregi— epaitzen ari ziren, baina ostiralean hil zen.
Guztiak euskal presoen abokatu edo haien aldeko taldeetan ibilitakoak dira. Uztailaren 12an hasi zen epaiketa, eta gaur lekukoak deklaratzen hasi dira, epaiketaren bigarren zatia hasiera emateko. Zuzeneko kontakizuna eskaintzen ari da Berria egunkaria.
Elkarretaratze informatiboa
Sarriegiren herrikideek elkarretaratze informatiboa antolatu dute ostiralerako. Done Eztebe plazan elkartuko dira, 19:00etan. Bertan auziaren nondik norakoak emateaz gain, babesa helaraziko diete auzipetuei, eta “epaiketa bidegabea” salatu.
“Kartzelak husteko garaia da, ez betetzekoa”, gaineratu dute mobilizazioaren antolatzaileek.
