Zortzi urte arteko ikasle berriek ez dute Ibargainen ordaindu beharko
Musika eskolan hasten diren 8 urte arteko haurrek ez dute ezer ordaindu beharko. Urriaren 20ra arte egongo da irekita matrikulazio epea.
Ibargain musika eskolako eta udaleko ordezkariak. Ibargain musika eskolak eta Oiartzungo Udalak urteak daramate elkarlanean. Urrats bat emango dutela iragarri dute gaur. 2021-2022 ikasturtean izena ematen duten zortzi urte arteko ikasle berriek ez dute ezer ordaindu beharko.
Ibargainen musika eskolak jasotzeko laguntzak eman ditu udalak. Lankidetza horren arabera, aurten ere kuota bereziak izango dituzte Oiartzunen erroldatuak dauden edota herriko ikastetxeetan ikasten duten ikasleek.
Eskola seguruak
Pandemia dela eta, hainbat osasun neurri hartuko dituztela jakinarazi dute. Iazko ikasturtean bezala, Ibargaingo egoitzakoez gain, Karrika auzoko Iturburu etxean ere emango dituzte eskolak.Udalarea da etxe hori.
Ibargain Musika Eskolako arduradunek jakinarazi dutenez, urriaren 20a arte dago matrikulazio epea irekita.
Informazio gehiago behar izanez gero, bide hauek har daitezke:
- Helbidea: Aialde kalea 8, behea.
- Telefono zenbakia: 943 49 38 85.
- E-posta helbidea.
