Bigarren eskuko bizikleten merkatuan izena emateko epea zabalik da
Saldu nahi diren bizikleta eta patineteak gordailu zerbitzuan utzi beharko dira, eta antolakuntzako kideak arduratuko dira zainketa eta salmentaz.
Bigarren eskuko bizikleta merkatua antolatu du udalak. Bigarren eskuko bizikleten merkatua antolatu du Errenteriako Udalak hilaren 17rako Zumardian 16:3oetik 20:00etara. Gordailu zerbitzua egunean bertan 15:30etik 16:30era izango da zabalik. Aurten bizikletak eta patinak baino ez dituzte hartuko, eta norberak saldu nahi duena eraman beharko da antolakuntza taldeari uzteko. Horretarako, aurrez izena eman behar da 943 67 02 49 telefono zenbakira deituta. Ez da onartuko 500 euro baino prezio garestiagorik.
Doako gordailu sistema bidezko salerosketa pertsona guztien eskura jarriko da. Antolakuntzako kideak arduratuko dira objektuen zainketaz eta salmentaz, saldutako artikuluen dirua bueltatuz eta saldu ez direnak egunean bertan jabeei itzuliz.
Azoka aukera paregabea da herritarrek behar dituzten bizikletak eta patineteak prezio ezin hobean eskuratzeko.
Parte hartzeko adin nagusikoa izan behar da, eta datuak utzi—nortasun agiria eta telefono zenbakia—.
Antolakuntzak COVID-19ari aurrea hartzeko protokoloa zorrotz ezarriko du merkatua egin bitartean.
