Xabier Lete prosa eta poesia lehiaketara idazlanak aurkezteko epea, zabalik
Zortzi eta 18 urte arteko oiartzuarrek beren idazlana aurkez dezakete azaroaren 5era arte. Lehiaketaren oinarrien berri eman du udalak.
![xxxiii. xabier lete prosa poesia](https://oarsoaldea.hitza.eus/site/files/2021/09/dsc0084.jpg)
Martxan da Xabier Lete prosa eta poesia lehiaketaren XXXIII. ekitaldia. Idazlanak aurkezteko epea zabalik dago, eta azaroaren 5era arte aurkez daitezke.
8 eta 18 urte artean dituzten oiartzuarrek parte har dezakete literatur lehiaketa horretan, baita bertako ikastetxeetan ikasten dutenek ere.
Bi modalitate izango dira: prosa (LH 3 mailatik gora) eta poesia (LH 5 mailatik gora). Sail bakoitzean bi sari emango dira: DBH 2 maila arte, ikasmaterial eta liburuetan baliatzeko bonua. Hortik goiti, eskudirutan jasoko dute saria.
Lanak Euskara Sailean entregatu beharko dira (Fermiñene etxean).
Udalak oinarri guztien berri eman du, dokumentu honetan. Oinarri nagusienak hauek izango dira:
- Lanak argitaragabeak eta euskaraz izango dira.
- Parte-hartzaile bakoitzak lan bakarra aurkez dezake sail bakoitzean (LHn, lanak taldeka ere aurkez daitezke).
- Lanak ordenagailuz idatzita aurkeztuko dira, ARIAL 12 letra motarekin eta 1,5 tartearekin (LH 3-4ean, eskuz idatzita bakarrik onartuko dira lanak).
- Lanak izengoitiarekin aurkeztuko dira. Gutunazal itxi batean egilearen datu pertsonalak aurkeztuko dira.
- Prosako lanek gutxienez bi orrialde eta gehienez hiru izango dituzte.
- Poesiako lanek gutxienez orrialde bat eta gehienez bi izango dituzte.