Urriko lehenengo astean egingo dituzte auzo batzarrak
Hiru hizketagai izango dituzte: 2021eko errepasoa (Udalaren egoera); 2022ko aurrekontu proposamena eta auzo bakoitzeko egoera. Urriaren 4tik 6ra balio dute.
Udal gobernuko zinegotziak, auzo batzarrak aurkezten.
Oiartzungo Udalak auzo batzarren datak jakinarazi ditu: urriaren 4tik 6ra izango dira. Hiru gai izango dira bilera horien ardatzak: 2021eko errepasoa (ddalaren egoera); 2022ko aurrekontu proposamena eta auzo bakoitzeko egoera.
“Herriko egoera orokorraren berri izatez gain, auzo bakoitzean egin diren edo egingo diren interbentzioak, eta auzotarrek dituzten kezkak eta iritziak biltzeko toki aparta dira auzo batzarrak”, adierazi du udalak.
Nabarmendu dutenez, auzoetan egiten diren hobekuntzak auzo batzarren fruitu dira.
Ugaldetxokoa, toki berrian
Toki gehienak aurreko urtekoen berberak izango dira. Hala ere, Altzibar eta Iturriozko auzo batzarrak pleno aretoan egingo dituzte, auzo lokalen tamaina dela eta. Udaletxeko pleno aretoan egingo dira, auzotarren arteko distantzia bermatze aldera.
Xorrola autobusa har dezaketela gogorarazi du udalak: Iturriotzen, 18:59ean; Altzibarren, Peñenen 18:50ean eta Kaleberrian, 18:51n.
Ugaldetxon, berriz, toki berrian egingo dute. Isastiko auzo lokal berrian bilduko dira, urriaren 6an.
Auzo batzarrak (19:00etan)
- Altzibar: Urriak 5, asteartea, udaletxeko areto nagusian.
- Arragua: Urriak 4, astelehena, frontoi ondoko lokalean.
- Elizalde: Urriak 5, asteartea, Manuel Lekuona bibliotekan.
- Ergoien: Urriak 5, asteartea, Auzokalte Elkartean.
- Gurutze: Urriak 4, astelehena, Bizardia Elkartean.
- Iturriotz: Urriak 6, asteazkena, udaletxeko areto nagusian.
- Karrika: Urriak 4, astelehena, Artaso Elkartean.
- Ugaldetxo: Urriak 6, asteazkena, Isastiko auzo lokalean.
