Gizarte Ekintzako jarduerentzako diru laguntzak abian dira
Irabazi asmorik gabeko elkarte eta taldeei eskainitako laguntza lerroa abiarazi du udalak. Eskaerak aurkezteko azken eguna urriaren 13a izango da.
Irabazi asmorik gabeko Pasaiako elkarte eta taldeei diru laguntzak emango dizkie udalak. Taldeek udalerrian garatuko dituzten jarduera eta egitarauak Pasaiako Udalak dituen helburuekin bat etorri beharko dira (horien berri hemen irakur daiteke).
Laguntza Pasaiako udalerrian egoitza duen irabazi-asmorik gabeko edozein erakunde publiko edo pribatuk eskatu ahal izango du. Egoitza soziala Pasaian ez duten erakundeek ere eskatu ahal izango dute, udalerriaren intereserako jarduerak garatzen badituzte.
Urte osoko jarduerak nahiz ezohiko jarduerak barne hartuko dituzte. Udalak ezohikotzat joko ditu aparteko izaera izateagatik urteko programaketa egiterakoan aurrez ikusi ez direnak; batzorde bakoitzak erabakiko du jarduera bakoitza “ezohikoa” den ala ez.
Eskaera guztiak urriaren 13a baino lehen aurkeztu beharko dira. Eskaera bakarra egin beharko da, udalaren webgunean zerrendatu dituzten agiriak betez.
