Hamabi puntukoa izango da ikasturteko lehenengo plenoa
Herriko bi lursaili buruzko puntu bana aztertuko dute, baita hitzarmen pare bat ere. Xorrola eta herriko kirol instalazioak ere izango dituzte hizpide.
Uztaileko plenoko irudia.
Datorren asteazkenean, hilak 29, Oiartzungo Udalbatzak plenoa egingo du. 18:00etan hasiko da. Honakoak izango dira ikasturteko lehenengo udalbatzarrean esku artean izango duten gai-zerrenda.
1) Aurreko aktaren onarpena.
2) 2022 urteko udal Zerga Ordenantzaren hasierako onarpena.
3) Aialde kalea 5-7 eraikuntza proiektuan dagoen lursail zati baten kalifikazio juridikoa aldatzea, mugakideari (Zalakainene etxadia SL) besterentzeko.
4) Karrika auzoko Errotaurre eta Arrasku-Errota artean dagoen udal lur-sailetik zati bat segregatu eta ondasun izaerara aldaketaren behin betiko onarpena eta Petrine bidea 1, Arrakuse Errota baserriko lurrekin trukaketa egitea.
5) Udal Kirol Instalazioen erabilpen prezioen kudeaketa irizpideen 2. aldaketaren onarpena.
6) Oiartzungo Udala eta Salsa Guztietako Perrexila antzerki elkartearen arteko lankidetza hitzarmena sinatzea.
7) Oiartzungo Udala eta Mikel Mendizabalen arteko akordioaren onarpena, ikus-entzunezko materialaren erabilpen baldintzei buruzkoa.
8) Oiartzungo udalerrian bidaiarien hiri garraio zerbitzu publikoaren kudeaketa -Xorrola autobusa- zerbitzuaren kontratuaren bermea itzultzea.
9) 08/2021 zenbakiko kreditu aldaketaren onarpena.
10) Beste ekitaldietako ordainagiriak baliogabetzea.
11) Beste organoen jardueraren jarraipena.
12) Eskari-galderak.
