Hondakinen tasaren bigarren zatia ordaintzeko epea, urriaren 1etik aurrera
Azaroaren 10era arte izango dute epea 2021eko hondakinen tasa ordaintzeko. Jarduera ekonomikoen zerga ere epe berean ordaindu beharko da.
Oiartzungo Udalak gogorarazi duenez, datorren ostiraletik —urriak 1— aurrera ordaindu ahal izango dela hondakinen tasaren bigarren zatia.
Azaroaren 10a izango da ordainketa egiteko azkeneko eguna. Ordainketa helbideratuta dutenei urriaren 29an kobratuko diete.
Jarduera ekonomikoa
Bestetik, jarduera ekonomikoen zerga ordaintzeko epea ere irekiko dela ere gaineratu du udalak. Zerga hori ordaindu behar dutenek epe bera izango dute ordaintzeko: urriaren 1etik azaroren 10era; helbideratuta dutenei, urriaren 29an.
