Bote luzeko txapelketaren finalerdia, larunbatean Beheko Plazan
Gipuzkoa eta Iparralde 2 taldeek Euskal Herriko Txapelketaren finalerako txartela bilatuko dute. Bestalde, Txostekoak Madalensoron arituko dira.
Bizkaia 2 eta Gipuzkoaren arteko partida [Arg.: Gipuzkoako Pilota Federazioa]. Gipuzkoa eta Iparralde-2 taldeek Bote Luzeko VI. Euskal Herriko Txapelketako finalera sailkatzeko txartela bilatuko dute datorren larunbatean, Beheko Plazan, 11:00etan hasita.
Gipuzkoarrek bere multzoko lehenengo postuan bukatu dute, bi partidak irabazita. Beste multzoko bigarren sailkatuarekin zirt edo zart egin beharko dute.
Irabazleek, finalean, Bizkaiko talde bat aurkituko dute. Eguraldia lagun, finala urriaren 10ean izango da.
Gipuzkoako selekzioa: Julen Chiapuso Nosellas, Iñaki Esnal Aizpurua, Julen Iribar Arruti, Iban Jauregi Erkizia, Iñigo Ugalde Muguruza, Jon Urbieta Otaegi eta Andoni Zabala Lekuona.
Larruzko paleta
Bestalde, Txost 2taldeak Errepala 1en bisita jasoko du larunbatean. 11:00etatik aurrera, larruzko paleta —nagusien lehen mailakoa— ikusteko aukera izango da Madalensoro pilotalekuan.
