Lanbide heziketako doako ikastaroa: Fabrikazio mekanikoko lan osagarriak
Lehen mailako profesionaltasun ziurtagiria jasoko dute ikastaroa bukatzen dutenek. Guztira 400 ordu emango dituzte, arratsaldez.
Oarsoaldea Eskualdeko Garapen Agentziak lanbide heziketako ikastaro berri bat jarri du abian, Fabrikazio mekanikoko lan osagarriak izenburupean. Lehen mailako profesionaltasun ziurtagiria jasoko dute ikasleek.
Ikastaroa urriaren 18an hasiko da, Don Boscon (Errenteria-Orereta), eta 2022ko martxoaren 1ean bukatu. Astelehenetik ostegunera arteko ordutegia 15:30etik 21:00etara izango da, eta ostiraletakoa 15:30etik 18:00etara (400 ordu guztira).
Parte hartu nahi dutenek Oarsoaldeko Enplegu Sailaren bulegoetara jo dezakete (Olibet 6, behea, Errenteria) edo 943 51 02 00 telefonora deitu, informazio gehiago eskuratzeko.
