Denboraldi hasiera bikaina Eple eta Batzokiko pilotarientzat. Eskuz Binakako modalitatean garaipen bikoitzak izan dira hiru kategoriatan: ohorezkoan, lehen Mailan eta Kadeteetan.
EPLEko Imanol Odriozola pilotaria. Argazkia: Gipuzkoako Euskal Pilota Federazioa. 
Denboraldi hasiera bikaina Eple eta Batzokiko pilotarientzat. Eskuz Binakako modalitatean garaipen bikoitzak izan dira hiru kategoriatan: ohorezkoan, lehen Mailan eta Kadeteetan. Ohorezkoan, Etxezarreta eta Aranguren nagusitu dira Intxurreko Zubeldia eta Irazustabarrenaren aurka (22-15), eta Urmeneta eta Aranguren Ilunpeko Alberdi eta Salegiren aurka (19-22). Lehen Mailan Aranburuk eta Odriozolak 22-18 irabazi zuten, baita Tabernak eta Aranburuk ere (20-22).
Kadeteetan Aiestaran eta Lizarazu 22-4 gailendu ziren Tolosaren aurrean, eta Perez eta Lizarazu 17-22 irabazi Ilunperen aurka.
Emaitzei erreparatuta, Epleko manisten denboraldi hasiera itxaropentsua.
Lau partidetatik hiru poltsikoratu dituzte berriz, Batzokiko taldeko pilotariek. Julen Aranb uruk neta Larraldek 19-25 eta 17-25 irabazi zuten Azkoitia eta Loiolatarraren aurka, hurrenez hurren. Txoperenak eta Ormaetxeak 10-25 irabazi zuten Zarautzen aurka. Epleko Arregi eta Aizkorretak ere garaipena etxean, 25 eta 14.
Larruzko paleta modalitatean Eiheramendik eta Yorelek garaipen bat eta bi porrot, Eskisabel eta Ruben bezala. Ezkerrok eta Abelek 27-35 irabazi zuten Altzatarraren aurka.
Pilota eskolan izen ematea zabalik
Pilota Eskolan parte hartzeko izen ematea zabalik dela gogorarazi du, bestalde, Eplek, 2013zan jaiotako haurrentzat. Doakoa da, eta interesdunek 680 71 94 26 telefono zenbakira deitu behar dute.
