Kirol entitateek jada eska ditzakete ligak eta txapelketak aurrera eramateko laguntzak
Herriko kirol entitateen txapelketak eta ligak sustatzeko helburuarekin diru laguntzak banatuko ditu udalak, eta, horretarako, 40.000 euroko aurrekontua erabiliko dute.
Lezoko kirol entitateei zuzendutako diru laguntzak eskatu daitezke jada, guztira 40.000 euroko kreditua erabiliko du horretarako Lezoko Udalak.
Diru partida honen helburua, 2021-2022 denboraldian federazioek antolatzen dituzten kirol jarduerak, hau da, ligak eta txapelketak garatzeko bultzada ematea da.
Kirol entitate hauek irabazi asmorik gabekoak izan behar dute eta “Lezoko edo eskualdeko izaera” edukitzea ere eskatzen da, eta Lezoko herritarrei zerbitzua eskaini behar diete. Irizpide guztiak udalaren orrialdean irakurri daitezke, eta eskaera ere bertan egin daiteke, urriaren 17ra arte.