Okindegian euskaraz aritzen denak saria irabaz dezake

Okindegietan euskara sustatzeko 'Atera mamia euskarari!' kanpainarekin jarraituz, zozketa bat martxan jarri du Oarsoaldeko Euskara Batzordeak. Urriaren 15tik azaroaren 2a arte ahalko da parte hartu eskualdeko hainbat okindegietan.

Okindegietan ere euskaraz aritzea bultzatu nahi dute lehiaketarekin

 

Urtero Oarsoaldeko Euskara Batzordeak gremio bat hautatzen du, sektore horretako establezimenduetan euskaraz hitz egiteko ahaleginak biderkatzeko. Ildo horretan, apirilean abiatu zuten Atera mamia euskarari! izeneko kanpaina, eta eskualdeko okindegiak ari dira izaten euskararem normalizazio kanpainaren eremu.

Udazkenerako, kanpainarekin lotutako lehiaketa bat sustatzea zuen asmo batzordeak. Ondorioz, urriaren 15tik azaroaren 2a bitarte, euskaraz ogia eskatzen dutenei, zozketa batean parte hartzeko txartela emango diete.

Irabazlea nor den azaroaren 5an jakingo da: hilabete batez ogia doan jasotzea izango da saria.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.