Sanpedrotarra Arraun Elkarteak batzarra egingo du hilaren 14an
Klub moreak urteroko ohiko batzarra egingo du azaroko bigarren igandean. Kirol arloa, ekonomikoa eta soziala aztertuko dituzte.
![sanpedrotarra](https://oarsoaldea.hitza.eus/site/files/2021/11/sanpedrotarra.jpg)
Sanpedrotarra Arraun Elkarteak ohiko batzarra egingo du hilaren 14an, igandearekin. Arraun elkartean bilduko dira, 10:00etan jarri dute hitzordua —ordu erdi geroago izango da bigarren deialdia—.
Klubarekin zerikusia duten hainbat gai jorratuko dituzte bilera horretan, hainbat arlotakoak. Honakoa izango da gai-zerrenda:
- Aurreko aktaren irakurketa eta onarpena, egoki ikusten bada.
- Kirol balantzea.
- Balantze ekonomikoa.
- Urteko ikuspegia; bazkideen kuotak; aurrekontuak; eta bazkide laguntzaileak.
- Elkarte gastronomikoaren funtzionamendua.
- Zuzendaritza batzorde eta lehendakari berriaren hautaketa.
- Eskariak eta galderak.