Oielekuko kultura-paisaia ezagutzeko aukera, bihar
Bi ordu eta erdiko txangoa egingo dute bihar goizean, Oieleku inguruko paisaiak ezagutarazteko. Kausotik abiatuko da ibilaldia.
![oieleku txangoa](https://oarsoaldea.hitza.eus/site/files/2021/11/oieleku-txangoa.png)
Oielekuko paisaiak ezagutzeko ibilaldi gidatua antolatu dute biharko. Ondare naturalak eta kulturalak bilakatutako ondare-paisaiak erakutsi nahi ditu Parketxe Sareak.
Goizeko 10:00etan hasiko da ibilaldia Kausoko aparkalekutik eta 12:30ean bukatuko da toki berean. 12 urte baino gehiago dituztenentzat prezioa 5 eurokoa da eta hortik beherakoentzat, 3 eurokoa. Hamaiketakoa egiteko
“Naturaren eta gizakiaren jardueraren arteko harremanak denboraren buruan paisaia gizatiartuak sortu ditu, kultura-paisaiak alegia”, esan dute. Adibide “garbiena” da Oieleku: “Lehenik eta behin, mendiko larreak ditugu, alderdi horretan abeltzaintzak izan duen eta oraindik duen garrantziaren adierazle.
Ez dira toki bakarrak: “Belardietan zenbait mairu-baratze edo cromlechak ikus daitezke. Baina batez ere, paisaia hauek mito eta kondaira ugariren iturri izan dira: mairuak, intxixuak…asko dira inguru hauetan murgildu diren pertsonaia mitologikoak…”.