XXI. Pasaia Hiria - Xabier Portugal olerki lehiaketak baditu irabazleak
Iosune de Goñi Garcia eta Imanol Sorondo Baltasar, euskaraz, eta Alvaro Adrian Perdigon Delgado, gaztelaniaz, izan dira poesia sarien irabazle.
21. Pasaia Hiria – Xabier Portugal poesia lehiaketak baditu irabazleak.
Burlatako Iosune de Goñi Garciak euskarazko lehen saria eskuratu du, Gorputz baten aztarnak elurretan poema sortagatik; eta Imanol Sorondo Baltasar donostiarrak bigarren saria irabazi du, Hiri arrotz bat obragatik. Gaztelaniazko atalean, Santomerako (Murtzia) Alvaro Adrian Perdigon Delgado izan da irabazlea, Tuve gatos poema bildumarekin.
Pasaiako Udalak 1980tik aurrera ematen ditu sari horiek, eta aurki irabazleen lanekin bi liburu argitaratuko ditu Berminghan Editek. 1981. urteko lehenengo bi liburuak argitaratu zirenetik gaur artean 27 liburu argitaratu dira, 16 gaztelaniaz eta 14 euskaraz.
