Behobia-Donostia lasterketaren harira, trafiko aldaketak
Behobia-Donostia lasterketaren harira trafiko eta garraio aldaketak izango dira igandean Errenteria-Oreretan.
Behobia-Donostia lasterketaren harira trafiko eta garraio aldaketak izango dira igandean Errenteria-Oreretan. Hala 08:15etik 14:30era Nafarroa etorbide osoa itxita izango da ibilgailuentzat. Halaber, Nafarroa hiribidean, Santa Klara eta Galizia biribilgunen arteko zatian ezin izango da ibilgailurik aparkatu; Nafarroa hiribideko beste eremuetan aparkatu ahalko dira, baina ezingo dira mugitu trafikoa galarazia dagoen tartean.
Bi aparkaleku atonduko dituzte halaber, iganderako: hilaren 13ko 18:00etatik hilaren 14ko 18:00etara Touring etorbideko tenis pistan eta Papresaren aparkalekuan, zehazki.
Auzoetan ere eragingo du lasterketak, eta hala Fanderiako bizilagunak Gi-2132 errepidetik irten ahalko dute auzotik; Gabierrotaren kasuan auzoa erabat itxita geratuko da ibilgailu guztientzat. Hirigune historikora, berriz, Agustinak auzotik edo Erdigunetik sartu beharko dute. Iztietaren kasuan, Donostia kaletik sartu beharko da, eta atera Iztieta pasealekuan Lerzo aldera prestatuko duten irteeratik, Oiartzun kaletik barrena.
Garraio publikoan ere izango du eragina lasterketak. neurri zehatzak, Herri Bizia web orrian kontsulta daitezke.