Euskarari mamia atera izanagatik saritu dute Amaia Murua
Euskara sustatzeko 'Atera mamia euskarari!' kanpainaren zozketak lau lagun saritu ditu okindegietan euskara erabiltzeagatik.
Oarsoaldean euskararen erabilera sustatzeko helburuz Atera mamia euskarari! iniziatiba martxarazi zuten eskualdeko lau udalek, Oarsoladeko Euskara Batzordearekin elkarlanean. Horren baitan sariak eman dizkiete hamabost egunez okindegietan euskaraz eskatu izan duten lau bezerori, udalerri bakoitzeko bana.
Bi astean zehar, gutxienez, okindegietan euskaraz eskatzen zuten bezeroei txartel bat ematen zieten establezimenduko langileek, eta hilaren 5ean egin zen zozketa horiekin. Pasaiako irabazlea Amaia Murua izan da, Trintxerpeko Arakistain okindegian entregatutako txartel bati esker.