Lau lerro jarraituko dituen III. Berdintasun Plana osatu du Lezoko Udalak, eta datorren azaroaren 16an aurkeztuko dute, osoko bilkurako aretoan.
III. Berdintasun Plana aurkeztuko du udalak.
Azaroaren 11n III.Berdintasun Planari ekarpenak egiteko epea itxi zuen Lezoko Udalak, eta bi astez Planaren zirriborroa ikusgai egon da. Orain, azaroaren 16an, Plana aurkeztuko dute 19:00etan, osoko bilkurako aretoan.
Dokumentu honetan 2025. urtea bitarte jarraituko duten berdintasunerako ibilbide orria osatu dute. Guztira 50 ekintzaz josi dute programa, eta ezarritako lau lerroak honako hauek dira: Gobernu Ona, Emakumeen Ahalduntzea, Ekonomia eta Jendartearen antolakuntza aldatzea eta Indarkeriarik Gabeko Bizimoduak.
Bertaratu nahi dutenek, aurretik baieztatu egin beharko dute helbide elektroniko honetara mezu bat bidaliz.
Oarsoaldeari buruzko kalitatezko informazioa eta gertukoa jaso nahi dudalako. Euskaraz bizi nahi dudalako eta hizkuntzaren biziberritzea bultzatu nahi dudalako. Herrigintza egin nahi dudalako. Oarsoaldeko euskarazko komunitatearen parte izan nahi dudalako. Oarsoaldeko herritarrok behar dugulako. Zure ekarpena behar dugu, babestu tokiko euskarazko komunikabidea.
