[Galeria] Elena Silvestre bigarren Behobia-Donostia lasterketan

2019an egindako lasterketa hobetzea zuen helburu korrikalariak. Gipuzkoako lehena eta sailkapen orokorreko laugarrena izan zen orduan. Gaur podiuma gogotsu hartu du, bigarren sailkatuta. Xabier Lukin izan da helmugara heltzen lehen errenteriarra, 13. postuan.

Ikerne Zarate Gartziarena

Errenteria-Orereta

2021/11/14

Elena Silvestre errenteriarra bigarren sailkatu da Behobia-Donostia lasterketan, Fortuna Kirol Elkarteak emandako behin behineko sailkapenaren arabera. Errenteria-Oreretatik pasatzerakoan, bigarren emakumea izan da Silvestre. Lasterketaren harira HITZAk argitaratutako gehigarri berezian, 2019ko marka hobetu nahi zuela esan zuen Silvestrek —2019an lehenengo gipuzkoarra eta laugarrena sailkapen orokorrean izan zen—. Erronka eta ametsa bete ditu errenteriarrak, eta bigarren sailkatu da gaurko proban, podiumean ohorezko lekua hartuta. 1:13:36 izan da egin duen denbora.

Xabier Lukin errenteriarra ere lehenengoen artean heldu da helmugara. Lehen hamabien artean sartzeko asmotik oso gertu gelditu da errenteriarra, hamahirugarrena sailkatu baita Fortuna elkartearen behin behineko sailkapenaren arabera errenteriarra. Ordu bete eta lau minutuan lasterketa egitea zuen erronka Lukinek, eta bi minutu gehiago behar izan ditu osatzeko lasterketa, 01:06:20 zehazki, baina marka bikaina egin du errenteriarrak beste behin ere.

Urtebeteko hutsunearen ostean, indarrez itzuli da aurrez aurreko Behobia-Donostia lasterketa. Irudi ederrak utzi ditu asfalto gainean, baita bide bazterretan ere, beti moduan jende andana hurbildu baita lasterkariak animatzera.

Lasterketak Errenteria-Oreretatik pasatzerakoan utzitako irudiak dira ondoko galeriara bildutakoak.

Behobia-Donostia 2021 Errenteria-Oreretatik pasatzen

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

[Galeria] Elena Silvestre bigarren Behobia-Donostia lasterketan

Gipuzkoa

Errenteriak eta Hernanik elkarlana eta «jarduteko modu berriak» eskatu dituzte etxegabeen arazoari aurre egiteko

Ehunka lagunek protesta egin dute Donostian, erosketa orgak eskuan

Biriketako transplante baten zain dagoen Donostiako bizilagun bat, etxetik egotzia izateko zorian

Tolosa eta Beasain lotzen dituen Renfeko tren zerbitzua etengo dute abuztuaren 29tik irailaren 1era

Salmonellosi agerraldi batek 29 pertsonari kalte egin die Eibarren

Pasaiako eta Lezoko alkateek «erantzunak eta neurriak» eskatu dituzte portuko sutearen harira

Gizon bat atxilotu dute Irunen, prostituzio etxe batean emakume bati sexu erasoa egitea egotzita

KASek salatu du Donostiako Udaltzaingoa «jazartzen» eta «zigorra ezartzen» ari zaiela ogitartekoak banatzen dituzten herritarrei

Hondarribiko alarde baztertzailearen aldekoek utzi egin dute konponbiderako elkarrizketa prozesua

GHKk espediente bat irekiko du Zubietako erraustegiko sutearen nondik norakoak argitzeko