Zuzendaritza batzordea berritu du Sanpedrotarra Arraun Elkarteak

Xabier Isasa izango da presidente berria. Antxon Korman, Josetxo Aranburu eta Jose Manuel Oiarbidek bukatutzat eman dituzte euren zuzendaritza lanak.

'Libia'-k entrenatzaile berria izango du datorren denboraldian.

Joan den igandean Sanpedrotarra Arraun Ekarteak ohiko batzarra egin zuen eta, bertan, zuzendaritza batzordea berritzeko erabakia onartu zuten bazkideek.

Antxon Korman, Josetxo Aranburu eta Jose Manuel Oiarbidek euren zuzendaritza karguak utzi dituzte. Gauzak horrela, Xabier Isasa izango da presidente berria, eta honako hauekin osatuko du zuzendaritza batzordea: Alberto Iñurrategi, Manu Bamio, Alvaro Rodriguez, Joxi Amado eta Egoitz Etxarri.

Aldi berean, iragarri dute azken batzarrean erabakitakoarekin, Asier Carballeda izango dela sanpedrotarren entrenatzailea 2022 denboraldirako. “Ibilbide luzeko arraunlari eta kluba ondo ezagutzen duenak gidatuko du Libia ontzia”.

Arraun elkarteak eskerrik beroenak eman dizkie kide ohiei: “Antxon, Josetxo, eta Jose Manueli eginiko lanagatik eta, batez ere, jarraituko duten kideei emandako laguntzagatik”.

Azken berriak

Harpidetu zaitez gure buletin irekira!
Astekarko eduki nagusiak, asteko albiste ikusienak, martxan ditugun zozketa eta egitasmoak, asteburuko egitarauen agenda eta askoz gehiago!
Ostiralero zure posta elektronikoan.

Tokiko informazioa profesionaltasunez eta euskaratik, modu librean kontatzea da gure eginkizuna. Horretarako zure ekarpena beharrezkoa da, eta ongi maitatzeko modurik zintzoena da HITZAkide egitea.