Larunbateko sagardotegia atzeratzea erabaki du eskualdeko Mirentxin-ek
COVID-19aren hedapenari aurre egiteko ezarri berri diren arauek bultzatu ditu sagardotegia atzeratzera. "Zentzuz" jokatu nahi izan dutela diote, eta aurrerago "larunbat honetakoa baino hobea" antolatuko dutela.
Egiluze Sagardotegian egingo dute bazkaria. Larunbat honetan (hilak 20) bazkari bat egitekoak ziren Mirentxin-eko gidariak Egi-Luze sagardotegian, azken bi hamarkadetan euskal presoen senideei hamarka gidariek emandako laguntza hori eskertzeko. Bada, atzeratzea erabaki berri dutela jakinarazi dute, COVID-19a dela eta. «Zentzuz jokatu nahi izan dugu», diote gidariek.
“Egun hau festa egun bat izatea nahiko genuke, inolako murrizketarik edo debekurik gabe, eta ezarri berri diren arauek, nahi genukeen bezala ospatzea oztopatuko liguketela uste dugu”, esan dute. Dena den, aurrerago egiteko konpromisoa hartu dute, “larunbat honetakoa baino hobea”.
250 sarrera zituzten salduta jada, baina jakinarazi dute herritar guztiek jasoko dutela txartelaren dirua.
Lotura honetan HITZAk Mirentxin-en gainean hil hasieran idatzitako erreportajea irakur daiteke.
