2003tik gaur arte matxismoak eraildako haur eta emakumeak gogoratuko dituzte A25ean
Eraildako haur eta emakumeen izenak, hilketaren data eta hiltzaileen izenak jarriko dituzte Done Eztebe plazako panel batzuetan. Hilaren 25ean aldiz, mobilizaziora deitu du Oiartzungo Feministen Asanbladak.
Otsailean Oiartzunen egindako elkarretaratzea, Sestaoko hilketa matxista salatzeko. Oiartzungo Feministen Asanbladak egitaraua osatu du Indarkeria Matxistaren Aurkako Eguna gertu dela-eta. Aurten, 2003tik gaur egun arte matxismoak eraildako haur eta emakumeak ekarriko dituzte gogora.
Hilaren 18tik 25era bitarte, duela 18 urte zenbaketa hasi zenetik eraildako haur eta emakumeen izenak, hilketaren data eta hiltzaileen izenak jarriko dituzte Done Eztebe plazan kokatuko dituzten panel batzuetan.
Hilaren 25a da Indarkeria Matxistaren Aurkako Egunerako mobilizaziora deitu dute. Done Eztebe plazatik abiatuko dira, 18:30ean.
Bestalde, elkarrizketa batzuen bitartez kanpaina komunikatibo bat jarri dute abian. Asmoa, indarkeria matxista egunerokotasunean dagoela erakustea da, kanpora begiratzearen beharrik gabe.
