Tailerra eta pista jolasa Ibaiaren Etxean
Fanderiako Errotako Ibaiaren Interpretazio Zentroak (Ibaiaren Etxeak) udazken eta negurako prestatu dituen ekintzak aurkeztu ditu.
Fanderiako Errota-Ibaiaren Etxeak larunbatean zabalduko ditu ateak. Fanderiako Errotako Ibaiaren Interpretazio Zentroak (Ibaiaren Etxeak) udazken eta negurako prestatu dituen ekintzak aurkeztu ditu. Hala, hileko bigarren asteburuetan 10:30etik 14:00ak arte errota martxan ikusi eta bere historia ezagutzeko aukera eskaintzearekin batera, hilean behin ekintza berezi bat antolatuko du.
Hilabete honetako ekintza berezia txikienei begirakoa izango da eta igandean egingo du; artoa erabiliz eskulanak egingo dituzte. Abenduaren 19an berriz, hondakin organikoen gaineko sentsibilizazio kanpainarekin bat eginda informazio puntua jarriko da Fanderian.
Urtarrileko ekintza berezia, familiari begirakoa izango da urtarrilaren 15erako egingo duten pista jolasarekin.
Azaroa eta urtarrileko jardueretan parte hartzeko aurrez izena eman beharko da Turismo bulegoaren posta elektronikora mezua bidali edo 943 49 45 21 telefono zenbakira deituta, edo posta elektroniko honetara edo 690 72 02 64 telefono zenbakira deituta.
