E-Don Bosco proiektua sortu dute, elektro mugikortasunean esperimentatzeko
Prototipo esperimentala da eta mugikortasun adimentsuan esperimentatzeko aukera izango da. Proiektu irekia da, izan ere, hezkuntza eta enpresa sistemen esku geratuko da.
E-Don Bosco proiektuaren aurkezpena egin zuten atzo, elektro mugikortasunaren eremuan sortu eta esperimentatzeko sortu den prototipoa. Energia elektrikoa metatzeko eta ibilgailu elektrikoak kargatzerakoan erabili daitekeen kudeaketa adimentsuaren aukera berria dela azaldu dute.
Ikasle eta irakasleek esperimentatzeko eta errendimendua ateratzeko bidea zabaltzen du programa berri honek, zehazki, bateria konbentzionaletan eta ekonomia zirkularraren bitartez iraunkortasuna sustatzen duten auto elektrikoek erabilitako baterietan.
Hainbat eragile ibili dira elkarlanean ideia hau garatzeko, hala nola, Gipuzkoako Foru Aldundia, Lortek S.Coop, Irulezo, Oarsoaldea Garapen Agentzia eta Saltoki.
Aizpea Otaegi garapen agentziaren zuzendariak eragileen arteko elkarlanaren garrantzia nabarmendu zuen, proiektuak ikusgai utzi baitu hori. Gainera, eskualdean berrikuntza sustatzeko Dos Boscoren zeregina txalotu zuen ere.
Iñaki Ansa Don Boscoko zuzendariak berrikuntza eta ezagutza transferitzeko ekosistema garatu dela azaldu zuen: “Benetako eta eguneroko testuinguruan esperimentatuko da”. Proiektu ireki gisa definitu du, “ezagutza hezkuntza eta enpresa sistemaren eta etorkizunaren” esku jarriko delako.
