Iturburu haur eskolari buruzko 'Mugarri' ari da prestatzen Izaskun Madariaga
1977 eta 1999an funtzionatu zuen haur eskolari buruzko monografikoan ikasle ohiak agertuko dira. Norbaitek agertu nahi ez balu, idazteko eskatu du egileak.
Iturburu haur eskola Karrikan zegoen. Izaskun Madariagak Iturburu udal haur eskolaren sortzaileetako bat izan zen, eta hainbat urtez irakasle eta zuzendari izan zen. Orain, Karrikan zegoen haur eskolaren historia biltzen ari da. Mugarri bildumaren hurrengo zenbakiak jasoko du Iturburu haur eskolaren historia.
Madariagak asmoa du 1977tik 1999ra bitartean haur eskolatik pasatu ziren ikasleen zerrenda publikatzeko, baita orduko irudiak txertatzeko ere.
Hori bai, norbaitek bere izen-abizenak edo irudiak agertzerik nahi ez badu, egilearekin jar daiteke kontaktuan. E-posta bidez izan daiteke, edo whatsapp bidez, 678 355 172 telefono zenbakira idatzita.
Iturburu haur eskolaren nondik gorakoak jasoko dituen Mugarri liburua xanistebanen aurretik jarriko dute salgai, eta orduan ere egingo dute aurkezpena.
Baimenaren txantiloia hemen klik eginda ikus daiteke.
