Herritar eta merkatariei esker, maletak beteta iritsi dira Saharara
COVID-19 dela eta, Oporrak Bakean proiektua ezin izan da egin. El Watan elkarteak eltzeak, zartaginak eta abeste bildu ditu Oiartzunen, eta Saharara bidali.
Oporrak Bakean egitasmoari esker, urtero-urtero Saharako umeek udara pasatzen zuten Oiartzunen. COVID-19 dela eta, proiektu hori behin-behinean bertan behera utzi zuten.
Hala ere, El Watan elkarteko kideek zein beste hainbat herritarrek argi utzi nahi izan dute ez dituztela ahazten. Horregatik, 2020an maleten proiektua martxan jarri zuten.
Kanpaina horretan, hainbat herritarren ekarpen ekonomikoa jaso zuten, eta herriko merkatari ei esker ere arropa, etxerako material zein ikasketetarakoa eskuratu dute. Bildutakoen zerrendaren berri eman dute El Watanekoek: eltzeak, eltze espresak, zartaginak, motxilak, koadernoak, hariak, jostorratzak…
“Zailtasunak tarteko”, objektu horiekin betetako maletak iritsi direla jakinarazi dute Sahararen aldeko elkartekoek. “Maletak haurrengana iritsi dira. Hemendik gure eskerrik beroenak eman nahi dizkiegu kolaboratu duen herritar orori, baita Urrats paper denda, Kinkila, Baobab eta Alcampori ere, mila esker bihotz bihotzez!”.
-
- Oiartzundik Saharara iritsitako maletak.
-
- Objektuz bete dituzte maleta horiek.
-
- Hango haurrekin ahaztu ez direla frogatzeko bidali dituzte maletak.
