Hiru pilota modalitateko partidak jokatuko dituzte Madalensoron, asteburuan
Txosteko palistek bihar eta igandean dituzte norgehiagokak, eta etzi joko garbian arituko dira. Bihar arratsaldean eskupilotaren txanda izango da.
Txosteko palistak bihar eta etzi arituko dira lehian.
Asteburu honetan Oiarpe eta Txoste elkarteetako pilotariek ez dute atsedenik hartuko, eta Madalensoroko kantxa hartuta izango dute. Oiarpekoak esku huska arituko dira bihar —ostirala, hilak 7–, eta etzi. Bina partida jokatuko dituzte; ostiralekoak 18:45ean hasiko dira, eta larunbatekoak, berriz, 18:45ean.
Txostekoak, berriz, bi modalitatetan arituko dira. Larunbat eguerdian joko garbiko partida izango dute Txost 2koek, Baionako Avironen kontra, 13:30ean hasita.
Bihar arratsean, 20:45ean, 22 urte azpiko palistek Altzatarra taldearen kontra arituko dira.
Larunbat arratsaldeari dagokionez, beste hiru partida jokatuko dituzte, kadete mailakoak guztiak. Honakoa da kartelera:
- Txost 1 – Zumaia 1.
- Txost 3 – Zumaia 3.
- Txost 2 – EPLE.
