Zortzi partidarekin hasiko da 2022ko Euskal Herriko Pala Txapelketa Irekia
Asteburu honetan hasiko da Giriziaren pilota sailak antolatzen duen txapelketa. Gizonen mailan 74 bikotek eman dute izena; emakumeena martxoan hasiko da.
Duela bi urteko txapelketako irudia. COVID-19ak gauza asko utzi ditu bertan behera, eta horietako bat izan zen Euskal Herriko Pala Txapelketa Irekia. Iaz ezin izan zen egin, eta 2022 honetan helduko diote berriro. 2020an egin zuten azkeneko aldiz, eta orduan hala nola bukatu behar izan zuten.
Girizia elkartearen pilota sailak antolatzen duen pala txapelketa ia mitikoa bueltatuko da. XXXVIII. ekitaldia asteburu honetan bertan hasiko da, zortzi partidarekin (hemen klik eginda ikus daiteke kartelera).
Gizonen txapelketa da asteburuan hasiko dena. Guztira, 74 bikotek eman dute izena, eta hiru mailatan banatuta jokatuko dute. Emakumeen txapelketa martxoa bukaeran hasiko dela jakinarazi du Giriziak.
Partida guztiak Madalensoroko pilotalekuan jokatuko direla adierazi dute. Osasun egoera dela eta, indarrean dauden prebentzio neurri guztiak hartuko dituztela nabarmendu dute antolatzaileek.
