Jabato Lopezek liburua aurkeztuko du datorren ostegunean
Sortzaile oiartzuarrak 'Antes de bailar la lluvia' poesia liburua aurkeztuko du pleno aretoan, errezitaldi musikatu formatuan. Bukatzean, aperitiboa egongo da.
'Antes de bailar la lluvia' izeneko liburua idatzi du Lopezek. Xabi Lopez Jabato-k poema liburua aurkeztuko du datorren ostegunean, hilak 13. Antes de bailar la lluvia izeneko poesia liburua ondu du sortzaile oiartzuarrak.
Udaletxeko pleno aretoan izango da aurkezpena, 18:00etan hasita. Lopezek bere liburuko poema batzuk errezitatuko ditu, musikarekin lagunduta. Ondoren, kontzejupean, mokadutxo baterako aukera egongo dela jakinarazi du Lopezek.
Bestalde, etzi arratsaldean, Lopezek berak Apothèosis Buffo antzezlana jokatuko du Pasai Donibanen. Informazio gehiago, esteka honetan.
