Maixux Rekalde bakezale eta euskaltzalea hil da
Elkarri eta Lokarriko presidente izan zen Rekalde. Atzo hil zen, Petra Lekuona zaharren egoitzan, Alzheimerrarekin.
Maixux Rekalde, duela sei urteko 'Gogoan izan' testigantza eman zuenean. Maixux Rekalde Urdanpilleta (Oiartzun, 1934-2022) hil zen atzo. Bakegintzan jarduteagatik ezaguna zen oiartzuarra, eta, alor horretan, Lokarri zein Elkarri taldeetako presidente izan zen.
Elizaren barruko erakundeetan hasi zuen ibilbide publikoa. Pinochetek Txilen estatu kolpea eman eta diktadura ezarri zuenean Rekalde han bizi zen, eta hainbat izugarrikeriaren lekuko izan zela kontatzen zuen.
Elkarrin, lehendabizi, eta Lokarrin, gero, engaiatu zen oiartzuarra, Euskal Herria bake egoerara eramateko ahaleginean. Bi erakunde horien agerraldi publikoetan bere aurpegia ikustea ohikoa zen.
Rekalde, 2004an, 18/98 auzia salatzen zuen lan taldeko kide zenean.
Azken urteetan Petra Lekuona zahar etxean bizi zen, Alzheimerrak jota. Gaixotasunari aurre egiteko terapiak euskaraz ez egoteak saioei uko egitera bultzatu zuen Rekalde, orduan ere bere euskaltzaletasuna adierazita. Hizkuntzaren Behatokiak bideoan jaso zuen bere testigantza.
Etxe honetan kolaboratu zuen. Oarsoaldean hilabetekariaren lehen zutabegileetako bat izan zen Rekalde.
Senideen artean agurtuko dute Rekalde. Haren aldeko hileta elizkizuna
