Asteburuko Oiartzungo pilota partidak (2022-10-13)
Txosteko palistek partida bakarra jokatuko dute asteburuan, eta Oiarpekoek, sei. Giriziaren pala txapelketa ere Madalensoron jokatuko da.
Madalensoron pilotalekuan jarduera dezente egongo da asteburuan. Horrela, bihar arratsaldean, Oiarpeko pilotariek hiru partida jokatuko dituzte, 18:45ean hasita.
Esku huskako modalitatearekin jarraituz, klub horretako jokalariek beste hiru partida jokatuko dituzte, larunbat arratsaldean. 16:30ean hasiko dira partida horiek.
Erremintarekin, Txostekoek partida bakarra jokatuko dute. Larruzko paletako nagusien ligako norgehiagoka izango da, nagusien mailako ligakoa. Gatikako (Bizkaia) Arteperen kontra arituko dira.
Bestalde, Girizia elkarteak antolatzen duen Euskal Herriko Pala Txapelketa Irekiaren bigarren jardunaldia jokatuko dute asteburuan. Larunbatean zein igandean launa partida jokatuko dituzte. Bi kasuetan 08:15ean hasiko da partida sorta. Pala txapelketako partida guztiak ikusteko, egin klik esteka honetan.
