Olaldeko bidegurutzean biribilgunea egiten hasi dira
Olaldeko bidegurutzean obrak egiten ari dira, etxadiko trafikoa berrantolatzeko asmoz. Altzibar Zelaiako aparkalekuen lanek aurrera jarraitzen dute.
Biribilgunearen lanak hasi dira [Arg.: Oiartzungo Udala]. Oiartzungo Udala Altzibarko trafikoarekin zerikusia duen obra pare bat egiten ari da. Horren barruan, Olalde etxadiko bidegurutzean biribilgunea jartzeko obrak hasi dira.
Bertako trafikoa berrantolatzeko eraikiko dute biribilgunea. Izan ere, Altzibar eta Karrikako auzo bileretan atera zen kezka izan zen bidegurutze horren antolaketa.
Horrez gain, Altzibar Zelaia eremuan 110 aparkaleku egiteko lanek ere aurrera jarraitzen dute.
