Bost kitapen kendu ditu udalak, auziak bertan behera uzteko
Ezohiko bi udalbatzar egin dituzte gaur goizean, eta horietako batean Epaitegi Gorenaren auzi bat izan dute hizpide. Bestean izendapena egin dute.
Bi pleno egin dituzte jarraian [Arg.: @oiartzunudala]. Oiartzungo Udalbatzak bi ezohiko pleno egin ditu gaur goizean, bata bestearen atzetik. Lehenengoan udalak 2018an onartu zuen lurzoru eta lurpeko argindarra, ura eta hidrokarburoaren erabilera pribatiboaren ordenantzarekin lotutako auziak izan dira hizpide.
REDESA enpresak (Red Eolica de Españak) auzitara eraman zuen ordenantza hura. Epaiak udalari aitortu zion ordenantza emateko ahalmena, baina puntu bat bertan behera utzi zuen.
Hori dela eta, idalak kasazio errekurtsoa jarri zuen Espainiako Epaitegi Gorenean. 2019tik, udalak erabilera horren truke bidalitako bost kitapen errekurritu dituzte bi enpresak epaitegietan.
Pasa den abenduan iritsi zen sententzia. Udalak ordenantza hori egiteko eta petxa ezartzeko duen ahalmena onartu zuen, baina lehengai bakoitzaren petxa jartzeko irizpideak ezberdinak izan behar dutela zehaztu.
Horregatik, udalbatzak aho batez onartu du bost kitapenak indarrik gabe uztea, auzia bertan behera gera dadin.
Hori onartuta, bigarren plenoa egin dute. Udal zigor eta ondare instrukziogilearen izendapen berria onartu dute aho batez. Eneritz Arruti izango da kargu hori beteko duena.
